Շուշիի Ազատագրման Երգը

ԳՈՒՍԱՆ ՀԱՅԿԱԶՈՒՆ

Անառիկ ամրոց, հպարտ իմ Շուշի,

Բախտակից եղբայր Կարսի ու Մուշի,

Քիչ էլ դիմացիր հայ գնդերը քաջ

Շուտով կը լինեն դռներիդ առաջ:

(կրկ.) Քիրս սարի կողմից հէնց փչի քամին

Թող սարսափահար լինի թշնամին,

Եւ թող իմանայ մեր ոսոխը նենգ,

Որ այսուհետեւ չենք ներելու մենք:

Հրաման տուեց Քոմանտոսը քաջ,

Լոյսը չբացուած գրոհենք առաջ,

Քաղաքը բոլոր կողմերից պատենք,

Այսօր մենք պէտք է Շուշին ազատենք:

(կրկ.) Քիրս սարի կողմից հէնց փչի քամին

Թող սարսափահար լինի թշնամին,

Եւ թող իմանայ մեր ոսոխը նենգ,

Որ այսուհետեւ չենք ներելու մենք:

Ելան քաջերը, կռիւն էր ահեղ

Եւ յաղթանակն էր՝ մեծ ու փառայեղ,

Ամբողջ հայութեան իղձը կատարուեց,

Մայիսի 9ին Շուշին ազատուեց:

Ցնծա Հայաստան, Շուշին ազատուեց

Վահագնի ոգով երկիրը պատուեց,

Հասկացիր ոսոխ, Մայիսներ շատ կան

Կարսի ու Մուշի հերթըն էլ կը գայ: