4 Յուլիսին, Երեւանի ժամով երեկոյեան ժամը 10ին, իսկ Լոս Անճելըսի ժամով առաւօտեան ժամը 11ին պիտի սկսի «Միասին երեխաների համար» առցանց համերգը, որուն կը մասնակցին հայազգի արուեստագէտներ աշխարհի չորս կողմերէն:
Ձեռնարկին ընթացքին պիտի կատարուի հանգանակութիւն՝ ի նպաստ « Ժպիտների քաղաք» բարեգործական հիմնարկին՝ քաղցկեղ եւ արեան հիւանդութիւններ ունեցող երեխաներու եւ երիտասարդներու բուժման ծախսերը հոգալու նպատակով։
Մասնակցողներն են՝ Արա Մալիքեան (Սպանիա), Արա Գէորգեան (Հայաստան), Յարութ Փամպուքճեան (Միացեալ Նահանգներ), Ռոզի Արմէն (Ֆրանսա), Սիպիլ (Թուրքիա), Վահէ Պէրպէրեան (Միացեալ Նահանգներ), Սերժ Աւետիքեան (Ֆրանսա), Սեպուհ Սիմոնեան (Միացեալ Նահանգներ), Լենա Շամամեան (Սուրիա), Սերուժ Քրաճեան (Գանատա), Էլի Պէրպէրեան (Գանատա), Գեւ Օրգեան (Բրիտանիա), «Նիու Տոքթա» խումբը (Միացեալ Նահանգներ), Ալվարօ Յակոբեան (Ուրուկուէյ), «Գուսան» նուագախումբը (Արժանթին)։
Հանդիսավարն է՝ լրագրող Լէօ Մում (Արժանթին)։
Ձեռնարկը կարելի է դիտել www.youtube.com/channel/UCbBuLWMoonZiREMcAOzRCQg կայքէջին վրայ։