Թարգմանեց՝
ԱՆԱՀԻՏ ՔԱՐՏԱՇԵԱՆ
«Արաս» հրատարակչութիւնը համշենահայերէնի եւ մշակոյթի վերաբերեալ իր աշխատութիւններով յայտնի Մահիր Օզքանի առաջին պամուածքների գիրքը՝ «Համշէնեան Պատմուածներ» վերնագրով, ներկայացնում է ընթերցողների ուշադրութեանը: Գիրքը հանդիսանում է ցայսօր հրատարակուած առաջին համշեներէն գրական աշխատութիւնը:
«Համշէնեան Պատմուածներ» աշխատութիւնը ներառում է Համշէնի շրջակայքի պատմութիւններից եւ գրողի յուշերից կազմուած 24 պատմուածք:
Երկու մասից բաղկացած գրքի առաջին հատուածում գրողը համշեներէն եւ թուրքերէն պատմուածքներն էջերին է յանձնում զուգահեռաբար: Գիրքը հնարաւորութիւն է ընձեռում կարդալ համեմատութեան մէջ եւ այս ձեւով դիմում է նրանց, ովքեր ցանկանում են ծանօթանալ համշեներէնի հետ եւ զարգացնել համշեներէնի իրենց իմացութիւնը:
Գրքի երկրորդ մասը բաղկացած է նոյն պատմուածքների արեւմտահայերէն թարգմանութիւնից: Այս բաժինը, որը մեր հրատարակչութիւնը ներկայացնում է հայերէն ընթերցողների դատին, համշեներէնի եւ արեւմտահայերէնի միջեւ առկայ տարբերութիւնները բացատրելու համար տեղ-տեղ փակագծերում ներկայացնում է բացատրութիւններով հարստացուած:
«Համշէնեան Պատմուածներ»ը հանդիսանում է դարեր շարունակ Արեւելեան Սեւ ծովի Համշէնի գիւղերում եւ բնակավայրերում բանաւոր կերպով փոխանցուած համշենահայերէն առաջին գրական աշխատութիւնը:
Այս առումով գիւղից քաղաք գաղթի եւ ժամանակակից կեանքի՝ շրջանի վրայ ունեցած ազդեցութեամբ օրէցօր աւելի քիչ խօսուող այս լեզուի պահպանման համար գիրքը մի նոր ուղի՝ գրաւոր գրականութիւն կերտելու ճանապարհ է առաջարկում:
Միւս կողմից, 1915ին Անատոլիայի (Արեւմտեան Հայաստան-«Ակունք») հայ բնակչութեան բնաջնջման արդիւնքում ոչնչացած տասնեակ տարբեր հայերէն բարբառների ճակատագրին չարժանանալով՝ պահպանուել յաջողուած համշենահայերէն գիրքը (լատինատառ եւ հայերէն) հրատարակուած առաջին գրական աշխատութիւնն է:
Հրատարակութեան պատրաստեց՝ Արտաշէս Մարկոսեանը:
Կազմեց՝ Վազգէն Դեղիրմենթաշը:
Կազմի ձեւաւորումը՝ Արեթ Գըջըրի:
Թուրքերէն-համշեներէն (լատինատառ եւ հայատառ):
Պատմուածք, 336 էջ, 13ճ19.5 սմ
ISBN 978-605-5753-44-3, Սեպտեմբեր 2014, 20 լիրա:
«Ակունք»