ԿԼԵՆՏԷՅԼ, «Կլենտէյլ Նիուզ Փրէս».- Քալիֆորնիոյ նահանգային Ծերակոյտի անդամ Քերըլ Լիու 2013ի «Տարուան կինը» մրցանակով պատուեց խումբ մը կիներ, որոնցմէ մէկն էր կրթական մարզին մէջ մեծ վաստակ ունեցող Ալիս Պետրոսեանը:
Ալիս Պետրոսեան ներկայիս Քալիֆորնիոյ վարժարաններու տնօրէններու միութեան նախագահն է: Ան նաեւ եղած է Կլենտէյլի միացեալ կրթաշրջանի վերահսկիչի օգնական ու Հայ կրթական հիմնարկութեան ճամբով սպասարկութիւններ մատուցած է համայնքին:
Ծերակուտական Քերոլ Լիու նահանգային Ծերակոյտին մէջ կը ներկայացնէ մօտաւորապէս 93,000 քաղաքացի ունեցող 25րդ ընտրատարածքը, որուն սահմաններէն ներս կ՛իյնան Պըրպենքը, Կլենտէյլն ու Փասատինան: